Wayne's News Mag, 05.08.2006

Moin Moinè!

Es paar News zum Zmittag:

Velo: Floyds Irgendwas sini B-Prob isch positiv gsi, d.h. das Röckli het doppt. Dr Toursig isch somit wäg. Was lehremer drus? Das Doping nid guet isch. oder so.

Tennis: D Patty isch witer, aso im Haubfinau, d HIngis isch out. Ohhje.

Pop: Madonna rockt *g* Si het dr Pappa Razzi zu Ihrem Konzi in Rom iglade. Yeah.

Tjaaa was geit schüsch no ab? Ahja d Street Parade. Da söue dütschi Detektive öppis gäge Taschediebe mache. Obs hiuft?

Oh und d Stones gäbe churzum Ihres Konzärt. Leider nid ir Schwiz, sondern ds Zürich. Bzw. Dübendorf. Gloub. Naja.

Kino: Fluch der Karibik 2! Dr Fium wird hinech g-gückt, mini hochwärtigi Fiumkritik gits morn. oder später.

Tja was chame no säge? Mitem nächschte WoW Patsch chöme ändläch die Realmübergriffende BG's, und Sili und die Östlächä wärde zumene "Freiluft-BG". Wird sicher no geil.

So long

Stay clean

PdL