10cm gwachse unes Gascho vou Räp

So chinder

Hie chunt no dr Gampu-Review... I ma gar nid viu schribe, es isch eifach soo geil gsi! Bands hani zwar nume 3 odr so gseh.

The Answer, huere Rocker, huere geil, The Sounds, huere Schnegge, abr hani ja shco kennt. Und nätürlech die Ärzte. Ah momänt, Jimmy eat World hani ono gseh. Cha ono viu. Uf jedefau: Am 8 hani mi mitem ärzte-Fanclub, aso mit aune Lüüt wo luscht hei gha ds cho, troffe. Da si ganz geili Fotos entschtange, hehe



Jaja... Mir hei zäme gredt us zäme luschtig gha, obwou mir üs aui ds 1. Mau gseh hei... Es git eifach es wunderschöns Gfüu vo Geborgeheit weme "Angriff der Fett-Teenager" cha aschtimme u aui mitsinge... Unger glichgsinnte, herrläch.



Mir si de aui zäme am 8ti vor d Houptbühni ga warte, uf die ärzte, wo am haubi 12 gschpiut hei. Ammann 2. Reihe. Wooohoooo. Es huere Gedränge. Läck mir. Atze statt Böller ds Köln isch heilig gsi drgäge, ächt. So Brächer chöi äbe shco wunder würke. Eh uf jedefau bini sichr öppe 10cm grösser worde. Und i cha iz uf mire "Rock-To-Do-List" 2 Pänkt abhägle: 1. Reihe schtah (guet isch 2 gsi aber i bi o mau am Gländer gschtange, das längt mir völlig) und.. Crowd Surfe! Nämlech nachem ca. 5 Lied bini dermasse verdrückt worde, dases nume no eis gä het für mi: Adie u wäg! ABER ES ISCH HUERE GEIL GSI!!!!

DÄOF ISCH MINI WÄUT!

Eh ja whatever

De hüt no schnäu im CityDisc ni nöi Schibe vor Gaschette ga hole. Früsche, fräche, Bärner-Räp. Ha zwar no ni di ganz CD glost, aber tönt ämu rächt geil.

So wit, so guet

I bi iz ir BM.. Aber o das wird mi nid kabutt mache...

Aber fürs mit de Wort vom Prügu Pole zsäge: I bi immer obe und bini unger de isch unger obe ;-)


Und no es shcöns Schwätzli gha mit dr hübsche Blondine im Bhf... HB Bärn isch äbe scho Chef

Adie u wäg

Wasi no muess erwähne... Nachem Gampu bini so kabutt gsi, dasi s Royal am Samschti abe ha müesse la suuse.. oh mann... beginner verpasst... schisst ja vll huere ah.. tamisiech..

Abr wi dr serej scho gseit he... "Ahh yeah, me auteret äbe.."

(ja, i lose ir letschi widr viu Wurzle ;-))

yeah whatever, adie u wäg!