We don't want to fight - Merry Christmas

Ja ist denn heut schon Weihnachten?

S machtmer dr aschin. Im Radio diskutieresi ämu grad drüber, obs zfrüeh isch weme iz scho Wiehnachtsschmuck usehängt, odr so…

Zersch weti mau öppis klarschteue.. O ig isse gärn Grittibänze u höckle am Abe mit dr Family voremne schlicht (!!!) gschmückte Boum, für dick z’ässe…

ABER:

Simr ehrläch? Was isch ir hütige Zit d’Wiehnacht? Nüt angers aus e Prostituierti vor Wirtschaft. Und jedes Jahr um die glichi Zit dörfe di Gäudgeile Wixxer widr drüber, i wett fasch säge, si wird gschändet!!! I meine klar hani nüt gäge chli Wiehnachtsschmuck, abr wet de ir „Mir figge iz aui fröhläch Wiehnacht“ Hochsaison dür Gägend loufsch, bechunsch fasch Ougechrebs… I meine dir wüsst, i bi nid glöibig (ämu nid chrischtläch) und i gibene Figg uf Fiirtäg disr Art… Und i wott öich liebe o überhoupt nid vrbiete das „Fescht“ z zelebriere…

Abr es isch eifach scho ungloublech wie unheimläch viu Gäud umgsetzt wird i derä Zit, indäme de Lüt Züg verchouft wosi gar nid bruche.. Scheiss Kitsch zum Schmücke… I meine isch ja ok weme sone Lüchtstärn ids Fänschter hängt, abr es müesse ja nid 4 Lüchtschlange si wo abwächsligswiis i 10 verschidnige Farbe blinke. U näbedrah no e elektrische Samichlous wo winkt und Hou Hou Hou rüeft… aso bitte, he!

Und o e Wiehnachtsboum isch öppis schöns zum drvorhocke, mit de Lüt wome gärn het. E Platikboum mit elektrische Cherzli cha viu =) Odr no sone blaui odr roti Girlande drumm.. süess… Abr weme när vo lutr kitschschmuck dr Boum fasch nüm gseht… Ja guet… Vll mau dSituation übrdänke.

Eifach aus e huere Gäudmacherei

und NEI, i bi ke Kapitalischt wiu ig ufere Bank schaffe… Begriffets ändläch!

Eine wo ir Insu schaffet isch o nid zwangshaft e Chirurg… tamisiech

So, viu Spass no a däm (viu zlänge) Dsischtig…

Aide u wäg!

Don’t forget: 15.11.2007 – Reconciliation@Podium Düdingen!!!
------------------------------------------------------------------------------------


„Denn wäre an dir alles wie dein Individuum, so bliebe nichts mehr übrig und vor lachen fiel ich um!“