Aues geili Sieche

Ahhh Chinder, das isch widr es Weekend gsi…

Am Fritig nach dr Schuh mau mit dr Klass id Markthaue Bärn.. Di hei auso cheibe feine Martini, imfau…. =)

När vo dört is Marzili verschobe, zum ga bowle. Dank dr Cherine heimer mau füre ganz Abe chönne Musig wähle – Anthrax, Annihilator, Whitesnake, Manson, Lynyrd Skynyr, Ärzte…. Aus heimer gha =) Wäg dr guete Musig ha ig de o die erschti Rundi gwunne. Ir 2. hani komischerwiis je lenger je schlechter troffe… uf was isch äch das zrüggdsfüehre? Hmmm….

Nachem bowle si de Schlüssu, ig, und no paar angeri vor Klass no is El Presidente aka Doggystyle-Bar aka Mixed-WC-Club…Dört hets när Bier gä, bis zum 1. Highlight vo däm Abe…

Plötzläch…

HOCKERT DR FÜRSCHT NÄBE MIR!!! WOOOOOOOOOOHOOOOOOOOOOO!!!!

Da isch haut när no bizeli meh Bier gflosse, nid wahr ;-) Paar Abstäche ruf Toilette (das wird iz hie nid nöcher erlüteret, he? ^^) und denn het de Schlüssu plötzläch ds gfüu gha sie wöu iz chlei schlaffe… Adie u wäg ;-) Tjoa… fürscht und ig hei haut de gwartet bis Madame widr ufgwachet isch, de hetsi de fründlächerwis no grad ds Tischli abgruumt hehe =)

Ab zum Bhf, Schlüssu het plötzläch Geburtstag gha, gratuliert u so, fürscht (dr absolut heud vom fritig) verabschidet, ufe Zug und hei. Mit Schlüssus Eutere no frächt e Schtange gno, und de ab ga schlafe. No hurti ds Zimmer umdekoriert, ne? =)

Sunnti uf, hei, Geburtstagsfescht vo mim Mami… hehe
Es isch supr gsi, me muess nume wüsse weli Lüt dasme umsech scharrt =)
Ehh Michu, merci füre Presente ;-)

Das isch de o irgendeinisch fertig gsi, und ds hütige Pokerturnier woni uf Platz 33 vo 2245 beändet ha, het mis supi dupi Weekend abgrundet =)

Und was blibt mer überig? Schmärze düre ganz Körper, was vermüetläch uf „zu exzessive Konsum“ (vo was o geng) zrüggzfüehre isch, und es paar schnapschüss… wie zum Bischpiu dr fougend…

I däm Sinn. Guet Nacht, schöni Feschtäg und… rock on \m/


WUEEEEEEEEEEEEEEEEEEEEE