28 Wuche, 5 J’s, 2 Schtuzt, 1 Bier

Ühhhh Chinder… I weiss ja gar nid woni söu afah… Wobi mou, eigentläch scho. Dr Donschtig isch prädischtiniert füre Begin vo däm Bitrag. Auso. Los geits.

Am Donschti mau Schuh gha, rächt amüsant gsi. Bis am haubi 5. när hani ja gwüsst, das Nightwish vom 6 bis am 8 Outogram git, bim CityDisc. Auso no schnäu mitem Röfe eis ga zieh, und am 6 richtig CityDisc glofe. Scho e Horde Lüt dörtgsi. Abr easy, Chiller Ammann hocket mau näbem CityDisc a bode (nachdämr e nöi CD kouft het), schnurret chli mitem Hippie, und beobachtet die Szenerie. E haubschtung, e schtung, einehaubschtung. Am haubi 8 hetsmi dünkt i chönt iz o mau id Reihe schtah. Und scho chunt dMäudig: „Nightwish blibt nume bis am 8, da si när no witeri Promo-Termine hei.“

Dasch mis Zeiche gsi.

Dr geilscht Siech a däm Abe isch dr Bronco gsi, wo mi no het düregwunke, bevor si d Abschrankig hei zuegmacht. Dä hingermir übrchunt Krise: „I schtah hie sit am 6, sit 2h! Und chume nüm ine? Das chöiter nid mache!“

Sorry, i schtah sitere haubschtung hie, und bi dinne, du machsch öppis fautsch. Ha de no hurti mit dr Dame vo Nightwish es chlises, abr ganz chlises Schwätzli ghaute, und zfride abmarschiert. Zersch no am Tod (mim Lieblingsjunkie) Gäud für Droge gä. Dä muess ja o zu sine Droge cho – und ab Heizueh.

Am Fritig widr super Schuhtag, zum krönende Abschluss no is Exselans (Excelence odr so) ga pokere, und ga Biere. Ahhh, s isch herrläch gsi. Guet, bim Heifahre hani de chli Schlangelinie gha, abr he.. hehe ;-) När simi d Herre Fonti und Doutaz cho abhole, und ab uf Friburg. Öppe 5 Bier trunke, und 1 zaut. Muesch äbe scho wüsse wie. Vorem Heigah no hurti übernes Outo glofe (guet d Motorhube hani usglah hehe), ah, und bevor igs vergisse:

Hie wird iz no OFFIZIELL dr Adüü grüesst (Weni nid am bügle wär, würdi no es Franziskanerbier Biud drischteue) Besser spät aus nie.

Am Samschtig de mau gnädig ufgschtange, und beschlosse, dases mitem Herr Räber ab uf Bärn i Chino geit. 28 Weeks later. Bier kouft und ab i Chino ga dScheiche strecke. Herrläch. Supr Fium überigens. Nachem Fium mau usem Chino use, anes Openairkonzärt häreglofe (Bärn cha äbe scho aus) und ab is Tramdepot =D Dört mau ds supi dupi Bier trunke, über Auti Zeit gredt – und scho heimer widr müesse ga. Richtig Bahnhof. No hurti i McDonalds, e McGyver ga bschteue (he-he-he) und ab ufe Zug. Ufem Perron triffe ig mi gschetzt Ungerschtift, dr Isu. Mit klepfte Ouge. Mini Herre, u Dame, i ha no NIE sone luschtegi Zugfahrt erläbt!!!

„Mir chöi Goufe wi Profis, mir chöi Tennisschpile wie Profis, mir chöi… Ja goufe u tennis spile…“

„I ha ke Gäud!“
„Geisch haut widr ufe Strich.:“
„Ja, gani haut widr ufe Strich… was?“

„Mini Uhr isch gstorbe!!!!“

Zum Glück hani es Video gmacht =D=D=D=D

Am Sunnti si de no Monniers verbicho, und hei das Weekend abgrundet. Und iz bini hie, u warte das 4 wird. De chani nämlech hei =)